Charter Document - 04150096

Ich Gerwirch hern Greifen tochter Ze Wienne vnd ich Chvenrat der Hager der vorgenanten Gerwirgen svn vnd hern Chvenrates svn des Hager dem Got genade vnd ich Margeret der vorgenanten vron Gerwirgen tochter vnd hern Chvnrates des Hager tochter wir veriehen vnd tven chvnt an disem priefe allen den die in lesent oder horent lesen di nv lebent vnd hernach chvnftich sint daz wir einen hof gehabt haben der da haizzet Chotzestorf vnd leit bei der travn oberthalbe der Ens der vns an gevallen ist von dem vor genanten hern Chvnraten dem Hager dem Got genade den wir in nvtz vnd in rehter gewer her haben bracht vnd vnser vreies aigen ist gewesen Den selben hofc han ich die vorgenant Gerwirch mit samt meinen chinden den vor genanten mit vnser vrevnt rat vnd mit gvetem willen dem ersam Apte vlreichen ze Geirsten vnd der Samnvnge reht vnd redlich ze chavffen gegeben mit elliv div daz dar zve gehort ez sei ze velde ze Holtze oder ze dorffe gestift oder vngestift vnd mit alle dem reht als wir in gehabt haben vmbe zwai hvndert phvnt phenninge wienner Mvnze an zehen phvnt phenninge vnd sein derselben phenninge reht vnd redlich gewert daz wir siv niht enzeihen Wir loben auch dem vorgenantem Goteshavs fvr den vor genanten Hofe rehten scherm Als des Landes reht ist fvr alle ansprach Avch sol daz vorgenantes Goteshavs vnd die Samnvnge mit dem vorgenantem hofe im frvm schaffen verchavffen versetzen nach allem irn willen an allen irresal Daz disiv red stet vnd vnzebrochen belibe gib ich die vorgenant vro Gerwirch disen Prief vnd bestetigen mit meines wirtes hern Jacobes von hoij insigel wand daz billeich vnd zeitleich ist seint ich niht insigel han daz ez mein wirt dar sol geben Avch ieh Chvenrat der vorgenanten vron Gerwirgen svn gib disen prief zve einem rehtem vrchvnde vnd zve einer ewigen bestetichait versigelt mit meinem irisigel Vnd ich die vorgenant vro Gerwirch han gebeten meinen vater hern Greiffen mit sampt meinen chinden die da vor genant sint daz er sein insigel an meiner tochter vron Margereten stat die noch vnvoipper ist leg an disen Prief ze einem rehtem gezivge mit mer ersam zivgen die hie geschriben sint her Heinreich von volchenstorf her Otte von volchenstorf her Chvnrat von Chappelle her Heinreich von volchenstorf ze Nevnhoven her Chvnrat von volchenstorf ze Steyr her Heinreich der Prevhaven her Heinreich sein veter her Dietmar von dem Schachen her Chvnrat der harmarchter zve den ziten hvebmaister ze wienne her Pilgereim zv den ziten Rihter her Haym her Otte sein brveder her Chvnrat von Praitenvelde her Heinreich sein brveder her Vlreich bi den brvedern her Vlreich hern chvenen svn zve den ziten Lantschriber der Polle zve den ziten Pvrger Maister her Paltram vatz Her Heinreich in dem fischehove her Chvnrat der Hansgrave vnd ander biderbe livt genvech den avch dise sache wol chvnt ist Der Prief ist gegeben da von Christes bvrt waren ergangen tavsent iar zwai hvndert iar in dem Achteden vnd Nivntzigisten iar des nachsten Phintztages ze Weinahten nach sand Erhardes tage