Charter Document - 04150093
| Charter Number: | 04150093 |
|---|---|
| Cartulary Title: | Garsten, Benediktiner 1082 - 1300 |
| Charter Language: | German |
| Charter Origin: | Religious |
| Charter Type(s): | Surrender |
| Date: | 1298 |
| Date type: | Internal, A.D. |
| Resource Link(s): |
Monasterium.net |
Charter:
Ich Gotsalcus Herren chvnrat svn des gugen dun chvnt offenleihin an disen brief allen den di disen brief lesent oder horent lesent di nu lebent vnd her nach chuntich sint daz ich gotsalch herren chvnrat sun des gugen mit gutten willen gestantin bin wan allen dem chrige vnd van aller der ansprach di ich han gehabet gen appa Vlreichen vnd gen dem gotteshaus ze gersten vm di aigen leut di mei Water vnd meine muter habent zv dem gothaves geben ze gersten vnd alle meine foderen di losse ich letich vnd alle meine affetter chvnt an alle ansprach durch meinez Water sel vnd meiner muter sel vnd daz di ride also stet sei von vns vnd von unsernen nachchomen dar vber ger wir disen brief wersigilt mit vnserem insigil vnd mit herren chvnrat won wolchinstorf dez sint gezevge der Sachner wan steier vnd der Sulzer vnd Hanreich der widner diser brife ist gegeben nach christes geburt vber tausent iar zwai hunder iar vnd ohten neuzege iar