Charter Document - 04150086

Ich Lee der Richter vnd der Rat vnd die pesten von der stat ze Lintze wir tven chvnt allen den [die] disen brief ansehent daz wernhart am vrvar vnser pvrger ainer von der stat seinen weingarten an dem Geblinge der der phennich haizzet hat verchavffet vnd gegeben dem Erwerm Abbt Gotschalchen vnd dem Goteshause da ze Garsten vmbe sehzich phvnt phennige vnd vmb zwai ze leichavf siner havsvrowen vnd sinen chinden mit der willen diser gewerf vnd der chavf ist geschehen vnd hat er wernhart dem abbt vnd dem Goteshavs gesazt tvr rehten scherm des wingartens pvrgel die hie genant sint vlrichen den mveter Siboten hoentlin herworten den Leitnoer vnd sich selben wernhart vnd sinen brvder Hainrich am vrvar vnd habent di gelobet swaz an ainem abge daz sol der abbt vnd daz Goteshavs haben avf dem anderm vnd daz daz staetvnge vnd chraft habe darvmbe gebe wir disen brief von wernhartes pete mit vnser states insigil versiglt vnd sint des zevge di hie geschriben vnd genant sint Di fvmfe pvrgel di vor genant sint vnd Ditmar der schachnoer Hainrich der mvter [] der pranter hainrich vrowen tvten svn vnd vlrich sin bruder hainrich der habbrvnnoer vlrich vnd hainrich [] wernhart des pranters svn vnd ander pidwer levte genvch Diser brief ist gegewen do von Christ gebvert ist gewesen Tausent iar zwai hvndert iar vnd ainz vnd Navzich iar An dem Moentage vor phingsten