Charter Document - 04150082
| Charter Number: | 04150082 |
|---|---|
| Cartulary Title: | Garsten, Benediktiner 1082 - 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1288 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Marquardus dei gratia Gerstensis Ecclesie Abbas et Conuentus notum fieri volumus vniuersis hanc litteram inspecturis quod nos hainrico dicto Harbrvnner et suis heredibus Curiam nostram super Monte et Mansum in Leuntinge iure ciuili contulimus tali pacto quod ipse ac sui heredes de eodem predio In natiuitate Beate Marie virginis soluant vigintj solidos annuatim et si censum predictum supersederint dare termino prenotato tunc emendam nouerint accreuisse Et si forte propter inopiam vel casum quemlibet eadem bona eos alienare contigerit nobis privs offerant nostris vsibus redimenda ante quam ad manus alienas transeant tenore quolibet occupanda Actum et Datum in Gersten Anno domini MCCLXXXVIIJ x Kalendas Marcij Testibus subnotatis qui sunt hij Dominus Gotshalcus Dominus Chunradus dictus malus vir Dominus Richerus Dominus Chunradus dictus Rvzendorfer de Ecclesia nostra sacerdotes Meinhardus iudex in Lintza vlricus Mvtarius hainricus pranter filius suus vlricus Leupoldus pvezzer Otto de Ibsa Perchtoldus consanguineus domini Abbatis Chunradus de Linza Ditmarus Schachner hainricus dictus phenninch Jacobus ciuis de welsa et alij plures fide digni