Charter Document - 04150078
| Charter Number: | 04150078 |
|---|---|
| Cartulary Title: | Garsten, Benediktiner 1082 - 1300 |
| Charter Language: | Latin |
| Charter Origin: | Religious |
| Charter Type(s): | Revocation |
| Date: | 1282 |
| Date type: | Internal, A.D., Feast |
| Resource Link(s): |
Monasterium.net |
Charter:
Ego Zaizmannus Ciuis in Chremsa Scire desidero inspectores presentium vniuersos quod pro debito Sexaginta librarum in quo dominus Fridericus pie recordacionis Gerstenensis Ecclesie Abbas mihi pro dicta sua Ecclesia et Conuentu permansit ante suum obitum negligens exsolutor Sui successoris domini Marquardi venerabilis Abbatis annuens precatorie voluntati talem admisi pro dicto debito conpositionem dilecte vxoris mee Elizabeth et filie mee necnon Ottonis eiusdem mariti mei Generi siue aliorum heredum consensu plenario accedente quod videlicet ipse dominus Marquardus Abbas et Conuentus michi ad dies meas in die beati Cholomanni Sex libras wiennenses annis singulis porrigere tenebuntur et ad hoc anno quolibet vite mee in die beati Nycolai mihi porrigent XXX caseos Enstalenses Post obitum vero meum ipsum dominum Abbatem et Conuentum dimitto testimonio huius scripti a tali debito VI librarum et caseorum liberaliter absolutos pro eisdem debitis nullis meis heredibus responsuros sed volo ea debita Gerstenensi Ecclesie remanere in anime mee remedium et salutem Est et alia interposita condicio pro cautela quodsi aliquo annorum aput me prescriptum exsolucionis diem beati Cholomanni transierint negligentes vinum suum quod eodem anno habuerint apud Chremsam nisi huic fauorem addiderim deducendj debeo detinere quodque mihi persoluendum fuerit impedire Et ut talis conditionis forma vtrique parti rationabiliter ac inuiolabilis obseruetur in testimonium euidentius et cautelam duxi presens scriptum sigillo domini mei venerabilis Abbatis Ecclesie Medlicensis Gerungi necnon et proprii munimine roborandum Hijs Testibus subnotatis Chunrado de Rvezendorf Ditrico Notario Swikero Chremense Scolastico et alijs fide dignis Datum in Chremsa Anno MCCLXXXII in Dominica passionis domini Judica me deus