Charter Document - 04150074
| Charter Number: | 04150074 |
|---|---|
| Cartulary Title: | Garsten, Benediktiner 1082 - 1300 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1277 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Heinricus dei gratia Comes Palatinus Reni Dux Bawarie presentibus litteris declaramus quod cum venerabilis in christo Fr Gerstensis Ecclesie abbas ex privilegiis sibi proponat competere antiqua predia forestaria sita in Gaflentze prouincia sui monasterij ne silua nostra sine custodibus remaneret de prediis dicti Monasterij mediantibus nostris Officialibus recepimus sex virorum residencias in Freithofowe duas et in Levbnerperge et Rotenstein alias nemori magis contiguas et habiles pro custodia facienda et nos dedimus vice versa Curiam unam in Pvsenwanch cum suis attinenciis Monasterio prelibato sicut rite et rationabiliter actum est ratum habentes et presentis scripti patrocinio confirmantes quod in huiusmodi concambio per dictos Officiales nostros taliter est patratrum In cuius rei testimonium presentes litteras nostri sigilli mvnimine consignitas sepe dicto Monasterio dedimus ad cautelam et perpetuam memoriam futurorum Datum in Castro Steir Anno domini Millesimo Ducentesimo Septuagesimo septimo jn festo beate Magarete