Charter Document - 04150059

Nos Fridericus dei gratia ecclesie Gerstensis abbas et Conuentus Notum fieri volumus vniuersis hanc litteram inspecturis quod cum olim Chunradus dictus pervvinder civis de Linza Curiam nostram in Livntinge cum quatuor mansis ibidem circumpositis ab ecclesia nostra ivre quod vvlgo purchreht dicitur habuisset et post ipsius obitum nati euisdem Chunradus et heinricus propter inopiam vlrico vintsgvot marito sororis ipsorum ivs predictum liberaliter contulissent ac in nostris manibus corporaliter resignassent eo pretextu quod dicto vlrico recognoscere deberemus iusticiam que prefatis heredibus in dictis prediis conpetebat nos ipsorum precibus inclinati dicta predia sub ivre premisso vlrico contulimus memorato videlicet tali pacto quod ipse ac sui heredes in Natiuitate beate Marie virginis nobis persoluant decem et octo solidos annuatim et post obitum Alhaidis relicte prefati Chunradi pervvindarij sexaginta denarij supercrescant et sic deinceps viginti solidorum pensio in predicto termino persoluetur Quod si sepe dictus vlricus et vxor ipsius Jvta nomine heredes non habuerint ipsis defunctis dicta curia cum prediis ad ecclesiam libere reuertatur vel si forte propter inopiam vel casum quemlibet alienare contigerit eosdem ivs et predium ante dictum nobis prius offerant nostris usibus redimendum ante quam ad manus alienas transeat tenore quolibet occupandum Actum et datum in Gersten Anno domini MCCLXIII Testibus subnotatis qui sunt hij frater Heinricus et frater Duringus predicatores de Linza walchvnus officialis de Losenstain et filius suus Heinricus dictus grabner Heinricus decimator de perge et filius suus wernhardus Chunradus perwinder Dietmarus vintsgvot Heinricus vintsgvot Arnolt de Linza et filius suus Heinricus Chunradus de Linza et wulfinger et vlricus et Heinricus et perngerus Ortlinus de familia domini abbatis Alber saxo scolaris et alij quam plures