Charter Document - 04150057
| Charter Number: | 04150057 |
|---|---|
| Cartulary Title: | Garsten, Benediktiner 1082 - 1300 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1262 |
| Date type: | Assigned |
| Resource Link(s): |
Monasterium.net |
Charter:
Sanctissimo patri ac domino domino Urbano sacrosancte Romane sedis ac uniuersalis ecclesie Summo Pontifici Fridericus Admuntensis gotscalcus sancti Lamberti monasteriorum abbates ordinis sancti Benedicti Salzburgensis dyocesis Fridericus Gurccensis ecclesie prepositus ordinis sancti Augustini gurcensis dyocesis pedum oscula beatorum Sanctitati vestre notum esse cupimus litteras presentes in virtute sancte obedientie protestando quod priuilegia subscripta Gaerstensis monasterii sub vera bulla domini Alexandri pape tertii et duorum Episcoporum pataviensis dyocesis sigillis nec cancellata nec abolita nec in aliqua sui parte uiciata examinata perspeximus diligenter Unde paternitati vestre una cum Abbate predicti monasterii Latore presentium attencius supplicamus quatenus eadem priuilegia divine remunerationis intuitu dignemini renouare Alias peticiones sepedicti Abbatis quas vobis porrexerit fauorabiliter admittentes Credimus enim firmiter quod Zelo dei in verbis et factis per omnia moueatur