Charter Document - 04150047
| Charter Number: | 04150047 |
|---|---|
| Cartulary Title: | Garsten, Benediktiner 1082 - 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1250 |
| Date type: | Assigned |
| Resource Link(s): |
Monasterium.net |
Charter:
In nomine sancte trinitatis et indiuidue vnitatis Amen Nos Ortolfus dei gratia Abbas de Gersten et nos Elysabet dei gratia Abbatissa de Trvnchirchen omnibus presentem paginam inspecturis salutem in domino Vniuersitati omnium presencium videlicet et futurorum presentibus declaramus quod nos cum nomine ecclesiarum nostrarum vnam aput Chremsse Augiam habeamus eam de consensu Capitulorum nostrorum ad maiorem ecclesiis nostris vsum Colonis locauimus eo iure quod wlgo Purchrecht dicitur hoc adiecto ut pena ipsorum que wlgo wandil dicitur tanta sit quantus Census ipsorum fuerit Vt autem hec locatio nostra Colonis in iam dicta Augia nomine nostro ivs habentibus firma debeat et perpetua permanere presentem paginam sigillis Nostris conmvnivimvs