Charter Document - 04150027

In nomine patris et filij et spiritus sancti Rvodolfus dei gratia in Cremsmvnster abbas et Altmannus in domo sancti Floriani prepositvs Inter dilectos in christo fratres Reinbertum Gerstensem abbatem ex una parte et heinricum archidiaconum plebanum in Wartperch ex altera parte super quibusdam decimis et super quibusdam hominibus in Ramsawe non solum coram ordinario uerum etiam coram abbate Admuntense et eius coniudicibus a sede apostolica delegatis questione suborta lis fine debito non poterat terminari Ideoque partes tandem premissa deliberatione in nos conpromiserunt sub pena decem librarum promittentes quicquid nos inter ipsos arbitraremur se ratum habituros Nos uero preuia ratione uolentes decidere litem diu prorogatam de cause meritis plenius cognouimus Et cum tandem tam ex confessione partium quam ex assertione hominum coram nobis constitutorum fuissemus facti certiores quod decime et homines de quibus questio inter partes uertebatur ad ecclesiam spectarent Garstensem quum plebanus memoratus nomine Garstensis ecclesie homines et decimas tenuerat memoratas et is possideat cuius nomine possidetur arbitrando decreuimus quod heinricus plebanus in Wartperch recognosceret homines et decimas se nomine Garstensis ecclesie possidere quoad ipse uiueret tantummodo ecclesie in Wartperch perpetuum super eisdem silentium inponentes Ipso uero defuncto homines et decime Garstensi absque omni contradictione cederent ecclesie Acta sunt hec Anno MCCXX Testes huius rei fuerunt Rvdolfvs abbas de Cremsmvnster Altmannus prepositus sancti floriani Engilbertus vicarius de wartperc Wernherus vicarius de Chirchdorf Pernhardus Parrochianus de halle Heinricus gener ottonis de albn Marquardus de Adelwanc vlricus ammannus Otto Pavsto et alij quam plures Hec Acta sunt jn uilla que Herzogenhalle nuncupatur