Charter Document - 04150023

Nos Levpoldvs dei gratia Dux Austrie ac Styrie Notum fieri cupimus presentibus et futuris quod cum dilectus nobis Hademarus venerabilis Gerstensis Abbas esset nobiscum ad sepulchrum domini profecturus ab ipso petiuimus vt hanc benivolentiam nobis faceret specialem quod in duobus prediis Rusticalibus in sua provincia Gaulenz donec ad nostrum reditum a sepulchro domini locaremus nostre silue forestarios pro custodia facienda cum eo tempore circa nostrum forestum nullam Rysticalem culturam ad hoc habilem cultam sev incultam penitus haberemus sed statim cum dante domino ad propria rediremus redditis eidem Ecclesie prediis antedictis nostre silue duceremus aliter providendum Quod cum dictus Abbas nobis fieri permisisset ne in posterum aliqua calumpnia ipsi Monasterio valeat suborirj presentem paginam nostris sigillis firmatam Gerstensi Cenobio duximus assignandam Nullus etiam de nostris forestariis vel aliquibus silue nostre Magistris debet in predicta provincia Gaulenz siluis Montibus pascuis venationibus piscationibus auctoritatem nostro vel suo nomine aliquam exercere sed cum omnia ibidem sita donec in flumen Anasij ex omnj latere ad proprietatem Monasterij pertineant pleno jure ipse Abbas et sui homines quietem et pacem continuam optineant A nostris dispensatoribus inconuulsam Et si nobis forsitan in itinere morte preventis premissa non fuerint adimpleta quicumque nostrorum heredum vel successorum nostrorum declarationem prefatam negglexerit aut infringi permiserit a quocumque revm se delictorum nostrorum in vltimo judicio esse sciat Huic facto interfuerunt Testes subnotatj quorum nomina sunt hec Erchenbertus de Hagenavve Otto de Lengenpach Herrandus de wildonia Dietricus de Hohenstovphe Ernestus de Trvna Hademarus de Chvenring Perngerus de Capella Gvndacher de Styria Rvdolfus et Otacher dictj Prevhavenj Otto Schecho fridericus de Scataowe Hilpoldus Officialis de Styria et alii quam plures Datum et Actum in vrbe Styra Anno domini MCC tercio decimo in festo Thome Apostoli