Charter Document - 04150005
| Charter Number: | 04150005 |
|---|---|
| Cartulary Title: | Garsten, Benediktiner 1082 - 1300 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1140 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine sancte et indiuidue trinitatis reginbertus dei gracia patauiensis ecclesie episcopus Significamus omnibus christi fidelibus tam presentibus quam futuris quod ego Reginbertvs humilis et indignvs sancte patauiensis ecclesie episcopus rogatu uenerabilis abbatis et deo dignum Perhtoldi de Garste ecclesiam auelenze consecraui et eam causa dei et instanti necessitate et peticione populi quadam speciali libertate exaltaui scilicet ut perpetuum pastorem habeat et nulli ecclesie ut filia subseruiat sed mater dignitate et potestate dicatur et ut hoc idem operibus conpleatur inscriptione presentis pagine confirmatur Terminos autem huius ecclesie esse uolumus et statuimus a fluuio Robinich usque ad cursum Frodenize alterius fluminis et usque ad principium auelenze iuxta portam Qualiter autem fundum predicte ecclesie et circumquaque adiacentia predia culta et inculta domna Stirensis Marchionissa Sophia a principiis fluminum auelenze discurrentium pro salute anime bone memorie sponsi sui gloriosissimi Marchionis Liutpoldi tradiderit sancte ecclesie de garsten et fratribus ibidem deo seruientibus ecclesia christi non ignorat Dedicata est autem hec ecclesia anno ab incarnatione domini Millesimo CXL indictione III Nona Kalendas Novembris Datum eodem die