Charter Document - 04150001
| Charter Number: | 04150001 |
|---|---|
| Cartulary Title: | Garsten, Benediktiner 1082 - 1300 |
| Charter Language: | Latin |
| Charter Origin: | Religious |
| Charter Type(s): | Testimony |
| Date: | 1082 |
| Date type: | Internal, A.D. |
| Resource Link(s): |
Monasterium.net |
Charter:
In nomine sancte et indiuidue trinitatis Altmannus dei gratia patauiensis episcopus christi fidelibus in perpetuum Qualiter nobilis uir Otakar marchio styrensis nobiscum et cum fratribus nostris fecit permutationem propter rei memoriam pagine presenti conmendamus Siquidem marchio predictus predium unum ad beheimperch et ecclesiam cum area in qua constituta est ecclesia per manus aduocati nostri Vodalrici in manus nostras libere tradidit et quiete remittendo nobis etiam contiguarum uillarum decimationes Econtra nos de nostrorum consilio canonicorum et aliorum fidelium donauimus et tradidimus marchioni prenominato ecclesiam garstinam pleno iure ut ipsa habeat liberam inuestituram et omne ius sacerdotale et parrochiale cum omnibus suis appenditiis scilicet omnibus que interiacent inter rubnicham inferius urbem manantem et rubinicham superiorem et infra fluuium anesum et flumen styram usque in rotebach et ultra styram dotem et molendinum cum iure suo et curtim illam ubi rubincha labitur in anesum cum omni culta et inculta decimatione et toto iure sacerdotali Adtendentes itaque hoc concambium siue hanc permutationem nichil iniquum continere cum licitum sit ecclesiam pro ecclesia decimam pro decima predium pro predio permutare presenti carta roborauimus eandem sigillum nostrum appendentes eidem Siqua igitur ecclesiastica secularisue persona contra eam temere uenre presumpserit ream se diuino iudicio existere de perpetrata ininiquitate cognoscat atque propter hoc in extremo examine districte ultioni subiciendum non dubitet Cunctis autem obseruantibus et custodientibus sit pax domini nostri iesu christi quatinus et hic fructum bone actionis percipiant et apud districtum iudicem premia eterne pacis inueniant amen Huius autem rei testes fuerant archipresbiteri Arnoldus Eberhardus Decani Sinbertus Vodalricus Meingozus Rudolfus Capellani Hartwic de chernzingen Gerolt de matse Adelhalm Marquart Reinhart Milites marchionis Walchunn Cholo Vdalricus Aribo Hartnit Arnhalm Otto De familiaribus autem Alram Duringus Erchenger Pabo Duringus Alber Perhtolt Rycher Volcholt Duringus Isingrim gerungus Reinhaimus Otto Acta sunt autem hec apud lauriacum anno incarnationis domini MLXXXII