Charter Document - 04140426
| Charter Number: | 04140426 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1298 |
| Date type: | Internal, A.D., Feast |
| Resource Link(s): |
Monasterium.net |
Charter:
Wernherus dei gracia ecclesia Patauiensis episcopus Vniuersis Christi fidelibus salutem in domino sempiternam Cupientes capellam sancti Georii in Wienna a quibuslibet Christi fidelibus congruis honoribus frequentari omnes indulgencias sev gracias quas reuerendi patres domini archiepiscopi et episcopi pro reuerencia dicte capelle concesserunt ratificamus et earum auctoritate ordinaria in nomine domini confirmamus Ceterum anniuersarium dedicationis diem dicte capelle ex certis causis ad proximam Dominicam ante festum Assumpcionis Virginis gloriose transferimus in hiis scriptis volentes et mandantes vt ipso die anniversarius dedicacionis eiusdem capelle a Christi fidelibus iugiter veneretur Datum Winne anno domini MCC nonagesimo octauo in vigilia Cene dominice Ceterum omnibus vere penitentibus et confessis in anniuersario dedicacionis et patroni diebus in capella concurrentibus xl dies de iniuncta penitencia misericorditer in domino relaxamus Datum vt supra