Charter Document - 04140420
| Charter Number: | 04140420 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1297 |
| Date type: | Internal, A.D. |
| Resource Link(s): |
Monasterium.net |
Charter:
Nos Emcho comes de Ruxingen notum facimus presentium inspectoribus vniuersis quod cum nos dudum reuerendo patri domino et auunculo nostro karissimo Emchoni venerabili episcopo Frisingensi ad instantiam quondam fratris nostri karissimi Chvnradi comitis de Ruxingen quando filiam viri nobilis domini Vlrici comitis de Hevnenburch promisit ducere in vxorem fide data prestito super hoc corporali iuramento promiserimus nosque ad hoc sub instrumento nostro publico astrinxerimus quod postquam eodem fratre nostro mortuo sibi in hereditate succederemus ipsum dominum nostrum episcopum qui in se datis pro ipso fratribus suis pro fideiussoribus mille quingentas marcas puri argenti Wiennensis ponderis pro eodem fratre nostro receperat nomine donacionis propter nupcias indempnem tamquam principalis debitor omnimodis redderemus Tandem vocacione diuina predicto fratre nostro sublato de medio habito inter iam dictum dominum nostrum episcopum et nos tractatu amicabili de solucione dicte pecunie et finali cum sibi per aliam viam satisfacere non possemus cum ipso conuenimus in hanc formam videlicet quod predicto domino nostro pro predictis quingentis marcis argenti Wiennensis ponderis et quicquid adhuc ex diffinicione seu arbitrio condicto de mille marcis puri argenti eiusdem ponderis inter prelibatos dominum nostrum episcopum et dominum Vl comitem de Hevnenburch predictis quingentis marcis argenti sine captione accesserit promisimus et promittimus boua fide quod statim fratri suo domino Gotfrido comiti siluestri dicto Raup auunculo nostro karissimo per certum nuncium nostrum et litteras efficaces nomine ipsius domini nostri episcopi castra nostra Ruxing et Malsperch cum omnibus suis pertinenciis iuribus et honoribus in pignus siue ypotecam pro supradicta summa pecunie mandauimus et mandabimus assignari per eundem comitem Raubonem tamdiu tenenda et possidenda quousque sepe dictus dominus noster episcopus de prescriptis quingentis mareis argenti et eo quod de mille marcis argenti supradictis per arbitrium ut premittitur accreuerit habita de perceptis ratione annua fuerit integraliter expeditus et sic demum eodem euacuato debito predicta castra nostra Ruxing et Malsperch cum omnibus suis pertinenciis nobis sepefatus dominus noster episcopus tenebitur absque difficultate qualibet restituere seu eciam assignare Adicimus eciam promittentes quod si memoratum dominum nostrum episcopum ante solucionem dicte pecunie plenariam decedere quod absit contingeret cuicumque idem dominus noster episcopus pecuniam eandem in toto aut in parte legare vel testari decreuerit eidem pecuniam ipsam sine contradictione qualibet persoluemus Vt autem hec predicto domino nostro episcopo per nos rata inuiolabiliter obseruentur presentes damus nostri et dilectorum nostrorum dominorum Gerhardi prepositi ecclesie Frisingensis et Hugonis canonici Moguntini Hugonis prepositi Isenensis fratris Friderici comitis siluestris ordinis fratrum milicie Templi et Hugonis comitis de Monteforto qui carens proprio sigillo consensit et consentit in sigillum filii sui Hugonis Isenensis preprositi antedicti necnon strenui militis Chvnradi burgrauii in Lok sigillorum robore consignatas Actum et datum apud Lok anno domini millesimo ducentesimo nonagesimo septimo quarto idus Septembris