Charter Document - 04140394
| Charter Number: | 04140394 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Lay |
| Charter Type(s): | Promise |
| Date: | 1285 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Al Goricie et Tyrolensis comes presentis scripti testimonio profitemur et constare uolumus vniuersis nos karissimo domino nostro et consanguineo Emychoni venerabili episcopo Frisingensi et suis successoribus promisisse quod quondam siquis heredum Welfonis pro collacione castrorum Welfsperch et Hivnuels et suis attinenciis ipsos aut ecclesiam Frisingensem per impeticionem aliquam infestauerit uel presumpserit aggrauare nos a tali vexacione ipsos episcopos et ecclesiam Frisingensem nostris laboribus et expensis tenebimur eripere ac tueri Super quo nostros patentes litteras dedimus sigilli nostri munimine roboratas presentibus testibus subnotatis videlicet domino Ch venerabili abbate de Wyhensteuen comite Gerhardo preposito sancti Andree in Frisinga nobili comiti Friderico de Ortenburch Ernesto de Luenz Ottone dicto Schalch Ottone de Gesiez Gerloho de Hertenberch et aliis fide dignis Actum et datum Intice anno domini MCCLXXX quinto in die beati Luce evangeliste XIII indictione