Charter Document - 04140360
| Charter Number: | 04140360 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1278 |
| Date type: | Internal, Feast, Regnal |
| Resource Link(s): |
Monasterium.net |
Charter:
Rudolfus dei gratia Romanorum rex semper augustus Dilecto principi suo Berhtoldo venerabili episcopo Babenbergensi gratiam suam et omne bonum Cum propter dilecti nobis Meinhardi comitis Tyrolensis affinis nostri karissimi absentiam et etiam propter suorum procuratorum et officialium inpotenciam seu desidiam quos loco sui regimini terre Karinthie prefecit ecclesia Werdensis per crebras et violentas occupationes Vinchenstainerii sub nostris manibus periclitetur tue fidei et deuotionis puritatem requirimus et rogamus atque tue diligentie iniungimus per presentes quatenus super dampnis et grauaminibus per memoratum Vinchenstainerium nunc et antea in nostrum contemptum magistro Henrico preposito Werdensi dilecto cappellano nostro irrogatis partes ad aliquem certum diem et locum ad tuam presentiam conuoces atque cites et omne ingenium tuum atque posse ad hoc studeas exercere quomodo tam prelibatum magistrum Henricum quara et dictum Vinchenstainerium super illatis dampnis et grauaminibus et super aduocatia de qua inter partes questio vertitur vel per compositionem amicabilem seu per iusticiam valeas concordare procurans ne huiusmodi dampnorum et grauaminum querimonia decetero ad nostram audientiam deducatur Volumus etiam et rogamus vt et eundem modum teneas contra illos de Paradiso et de Treuen qui etiam ausu temerario in bonis et possessionibus Werdensis ecclesie sepedicto preposito dampna et grauamina non pertimescunt incessabiliter irrogare prout ex ipsius magistri Henrici querimoniis fuimus sepius informati Postremo volumus et rogamus vt alicui potenti de tuis fidelibus velis dare strictius in mandatis qui nostro et tuo nomine contra dictum Vinchenstainerium et alios quoslibet violentos inuasores prelibatam Werdensem ecclesiam in suis iuribus et possessionibus manuteneat et defendat tamdiu donec aliud suo tempore atque loco duxerimus ordinandum Datum Wienne in vigilia Epiphanie domini regni nostri anno quinto