Charter Document - 04140353
| Charter Number: | 04140353 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1277 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
Rudolfus dei gracia Romanorum rex semper augustus Vniuersis presencium inspectoribus volumus esse notum quod cum nos domino Chunrado venerabili Frisingensi episcopo principi nostro dilecto possessionem fori in Aspach quod forum bone memorie Fridericus quondam dux Austrie ab ecclesie Frisingensi in feodo tenuit et predecessori predicti episcopi pro quingentis marcis argenti ex certis causis pignori obligauit prout in priuilegio eiusdem ducis Friderici vidimus contineri restituissemus ius debitum sibi in eadem obligacione recognoscendo idem episcopus ad peticionis nostre instanciam predictum forum quod pro nostris vsibus necessarium habebamus et quod filius nostris dilectis Alberto Hartmanno et Rudolfo [et] ipsorum liberis masculini sexus contulerat cum aliis feodis que duces Austrie Styrie Karinthie dominique Carniole et Marchie ab ecclesia Frisingensi possederunt titulo feodali ad nostras manus restituit nomine filiorum nostrorum predictorum proprietate eiusdem fori ecclesie Frisingensi reseruata et easdem quingentas marcas argenti pro quibus idem forum predictus episcopus tenuerat obligatum super villas Probsdorf Vruar et Schonna cum suis attinenciis quas eciam predicti filii nostri ab eo in feodum receperant excepto iure patronatus eiusdem ecclesie in Probsdorf quod in signum dominii ecclesie Frisingensis est reseruatum ab antiquo et pro trecentis marcis argenti a nobis et a predictis filiis nostris receperat obligatas eidem episcopo suisque successoribus deputauimus nomine filiorum nostrorum predictorum et predictas quingentas marcas argenti prioribus trecentis marcis argenti duximus agregandas ita ut predictas villas Probsdorf Vruar et Schonna cum omnibus suis iuribus tamdiv prefatus episcopus suique successores teneant a nobis nostrisque filiis [et] eorum liberis pro suis vsibus obligatas donec predicte octingente marce argenti fuerint sibi uel suo successori qui tunc pro tempore fuerit integraliter persoluti Huius rei testes sunt Bertholdus Babenbergensis Petrus Patauiensis Johannes Chyemensis Wernhardus Sekkouiensis ecclesiarum episcopi Ludwicus illustris comes palatinus Rheni dux Bawarie Albertus dux Saxonie Fridericus purchcrauius de Nurenberch Vlricus de Touuers et multi alii fide digni Et nos in huius rei perhenne testimonium presentem ectteras nostre serenitatis sigilli munimine iussimus roborari Acta sunt hec Wienne anno domini MCCLXXVII [VII kal Nouembris regni nostri anno quinto]