Charter Document - 04140349
| Charter Number: | 04140349 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1277 |
| Date type: | Internal, A.D., Calendar |
| Resource Link(s): |
Reference Document for this Embedded Document Monasterium.net |
Charter:
Frater Chvnradus prior monasterii Admontensis viro prouido et discreto domino Livpoldo plebano in Entzestorf salutem in domino Noueritis nos recepisse litteras a reuerendo in Christo patre domino Friderico Saltzpurgensis ecclesie archiepiscopo apostolice sedis legato sub hac forma Quarum auctoritate processimus in hunc modum videlicet quod citatis partibus et termino peremptorio per nos ipsis assignato et perlectis et recapitulatis in ordine de verbo ad verbum actis iudiciorum que coram priore iudice inter partes super ecclesia in Probstorf acta fuerunt et visis et auditis et perspicaciter intellectis racionibus et allegacionibus vtrisque partis et examinatis diligenter dictis testium et instrumentis et priuilegiis et aliis documentis legittimis publice coram nobis in medium productis communicatoque consilio sapientum ecclesiam in Probstorf cum omnibus eius iuribus et attinenciis s[i]ue spiritualibus uel temporalibus sentencialiter adiudicauimus magistro Hainrico venerabili preposito Werdensi a domino Chvnrado venerabili episcopo Frisingensi vero patrono ad eandem ecclesiam in Probstorf canonice presentato et domino Johanni clerico de Praga super eadem ecclesia in Probstorf perpetuum silencium inposuimus et nichilominus diffiniendo condempnauimus ipsum Johannem in expensis legittimis persoluendis preposito supradicto quas idem prepositus fecit occasione litis inchoate quas estimat ad summam sexaginta librarum Wiennensis monete et precepimus eidem Jo sub pena excommunicacionis quod nunc usque ad festum beati Thome apostoli proxime nunc venturum idem Johannes dicto preposito persoluat pecuniam memoratam quam si infra prenotatum terminum non persoluerit se sciat post terminum elapsum excommunicacionis vinculo innodatum Vnde auctoritate qua fungimur vobis iniungimus et mandamus quatenus sepe dictum magistrum Heinricum prepositum Werdensem quem plenum ius habere in eadem ecclesia Probstorf recognouimus velitis tamquam verum et legittimum rectorem et plebanum eiusdem ecclesie in Probstorf uel alium loco sui ducere in ipsius ecclesie possessionem corporalem et inductum defendere ecclesiasticam per censuram contradictores et rebelles censura consimili conpensendo et precipiendo sub virtute sancte obediencie vniuersis et singulis plebesanis ut eidem preposito in omnibus et per omnia obediant tanquam vero et legittimo eorum pastori Datum in Ardaker anno domini millesimo CCLXXVII XVI kalend Nouembris