Charter Document - 04140347
| Charter Number: | 04140347 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1277 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Chvnradus dei gratia Frisingensis episcopus notum esse volumus presentium inspectoribus uniuersis quod nos dilecto in Christo fratri R venerabili abbati monasterii in Seytensteten propter grata et fidelia obsequia que nobis idem hactenus impendit hanc concessimus gratiam specialem ut liceat sibi emere aream vnam in opido nostro Waidhouen ad vnum purkreht vel dimidium pro se suisque successoribus et monasterii sui utilitate inedificandum et nos ipsi domino abbati suisque successoribus in ipsa area siue domo hanc libertatem concedimus per presentes ut de ipse area siue domo nullam steuram uel aliam exaccionem ipse uel successores sui soluere teneantur hiis solum exceptis que predicti oppidi nostri in Waidhouen uel ciuium nostrorum ibidem utilitatem communem respicere videbuntur In cuius rei testimonium presentem cedulam sibi tradidimus nostri sigilli munimine roboratam Datum aput Anasum anno domini millesimo CCLXX septimo XV kalendas Decembris