Charter Document - 04140344
| Charter Number: | 04140344 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1277 |
| Date type: | Assigned |
| Resource Link(s): |
Monasterium.net |
Charter:
Rvdolfus dei gracia Romanorum rex semper augustus Dilecto fideli suo Chunrado de Pihdorf iudici prouinciali suo graciam suam et omne bonum Cvm nos Chunrado venerabili Frisingensi episcopo principi nostro dilecto recognouierimus ius quod habere debet in iudicio prouinciali super predium in Enzinstorf et super alia predia eidem adiacencia que ad ecclesiam pertinent Frisingensem prout in priuilegio Friderici serenissimi imperatoris augusti vidimus plenius contineri quod inquam priuilegium eidem episcopo ex regie munificencia maiestatis duximus coufirmandum et ratificandum tibi firmiter iniungimus et mandamus quatenus prefatum episcopum suumque iudicem quem ad idem iudicium deputauit cui eciam nos bannum manu nostra regia duximus concedendum in eodem iure ac iudicio nullatenus impedire presumas nullum tibi decetero per idem predium super homines et possessiones iudicium vsurpando Datum Wienne XII kalendas Junii