Charter Document - 04140320
| Charter Number: | 04140320 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1276 |
| Date type: | Internal, A.D., Feast |
| Resource Link(s): |
Monasterium.net |
Charter:
Ego Heinricus Werdensis ecclesie prepositus plebanus in Waidhouen sub testimonio presencium confiteor et protestor quod ob reuerenciam et honorem gloriose beate Marie virginis et ob remedium anime mee et omnium parentum meorum a venerabili viro domino R abbate et eius confratribus monasterii in Seitensteten accepto et sum contentus recipere novem libras denariorum Wiennensium pro illis tribus libris quas idem dominus abbas et eius confratres tenentur michi dare annuatim quamdiu vixero in recompensationem quarumdam decimarum quondam pertinencium ad ecclesiam in Waidhouen quas inquam nouem libras si Rudlinus Motzo ciuis de Waidhouen tamquam fideiussor legitimus nomine dicti monasterii integre michi persoluerit ita quod in proximo nunc uenturo dominice Natiuitatis festo habeam quinque libras et in sequenti Purificacionis beate Virginis festo quatuor libras tunc prelibatus dominus abbas et eius confratres erunt liberi et soluti de supra memoratis tribus libris quas in annis singulis dare tenebantur pro decima supra dicta In cuius rei testimonium presentes litteras mei pendentis sigilli munimine roborari Datum aput Waidhouen anno domini millesimo ducentesimo septuagesimo sexto in die sancte Cecilie