Charter Document - 04140316
| Charter Number: | 04140316 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1276 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ego Gozzo ciuis in Chrems notum esse cupio presentium inspectoribus uniuersis quod Yrmfridum filium meum et Rudlinum de Mevrperge meos constitui procuratores dans eisdem presentibus plenariam potestatem vendendi nomine meo domino Chvnrado venerabili episcopo Frisingensi vel cuicunque alii possessiones meas quas habeo in Teizzae videlicet duas curias villicales xiii areas duo beneficia duo pomeria lacum sev piscinam ibidem cum passaio et quinque insulas cum omnibus iuribus et attinenciis eorundem et cum fructibus exstantibus nunc et futuris item prouentus passagii in Holeburch per tres annos nunc futuros cum nauibus et remis prout ego idem passagium per eosdem tres annos poteram possidere ratum et gratum promittens me habere quicquid idem procuratores cum eisdem possessionibus duxerint ordinandum Datum anno domini MCCLXXVI kalendis Maji harum testimonio litterarum mei sigilli munimine roboratarum