Charter Document - 04140314
| Charter Number: | 04140314 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1276 |
| Date type: | Internal, A.D. |
| Resource Link(s): |
Monasterium.net |
Charter:
Nos Helwicus dei gracia abbas Gottwicensis monasterii notum esse volumus presencium inspectoribus vniuersis quod cum Irnfridus filius domini Gozzonis et Rudlinus de Meurperge ciues in Chrems procuratores dicti domini G reuerendo in Christo patri domino Ch venerabili Frisingensi episcopo pro se et ecclesia sua vniuersa bona et possessiones que idem Gozzo in Teyzza a nobis et monasterio nostro iure purchreht possidebat vendidissent videlicet duas curias villicales tredecim areas duo beneficia duo pomeria lacum sev piscinam ibidem et v insulas cum vniuersis attinenciis et iuribus possessionum earundem agris pratis pascuis paludibus arbustis piscacionibus cultis et incultis viis et inuiis quesitis et inquirendis nos resignacione eorundem bonorum bonorum et iurium ad manum nostram facta nomine dicti domini G per eosdem procuratores ipsa bona sev possessiones prenotatas iure purchrecht contulimus predicto domino Frisingensi episcopo suisque successoribus perpetuo cum omnibus attinenciis possidendas ad censum xxx denariorum Wiennensium annuatim ad quam etiam censum prefatus G easdem a nostro monasterio et a nobis tenuerat hactenus possessiones qui etiam census in die sancti Michahelis anni cuiuslibet est soluendus In cuius rei testimonium presentem cedulam prefato domino episcopo suisque successoribus tradidimus nostri sigilli munimine roboratam Datum apud Wedlingen anno domini MCCLXXVI VIII idus Junii