Charter Document - 04140298
| Charter Number: | 04140298 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1273 |
| Date type: | Internal, A.D., Calendar |
| Resource Link(s): |
Monasterium.net |
Charter:
O dei gracia Bohemie rex dux Austrie Styrie et Karinthie marchio Morauie dominus Carniole Marchie Egre ac Portusnaonis vniuersis presencium noticiam habituris salutem cum plenitudine omnis boni Cvm libertates et iura domus venerabilis episcopi Frisingensis site in Wienna et dotis capelle domus eiusdem publicis instrumentis domini Friderici quondam ducis Austrie bone memorie priuilegiata a nobis et a nostris affectemus illesa in omnibus et per omnia conseruari volumus et singulis nostris scribis officialibus iudicialibus ac aliis procuratoribus qui pro tempore fuerint sub optentu gracie nostre damus stricto strictius in mandatis quatenus easdem libertates et iura per dicti F priuilegiorum indicia dicte doti ac domui sic tradita et concessa modis omnibus quibus possint seruare studeant inconcussa summopere precauendo ne homines residentes in eadem dote occasione aliqua trahantur in iudicium coram ipsis uel aliquo ipsorum aut alias molestentur exactionibus indebitis ab hominibus uel aliis subditis eorundem sed permittatur vt coram dicto episcopo vel suis officialibus stent iuri in omnibus causis sev questionibus contra eosdem homines emergentibus preterquam in causis sanguinis siue mortis que nostro debent iudicio reseruari Datum Brunne anno domini MCCLXXIIII pridie kalendas Januarii