Charter Document - 04140297
| Charter Number: | 04140297 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Lay |
| Charter Type(s): | Request |
| Date: | 1273 |
| Date type: | Internal, A.D., Calendar |
| Resource Link(s): |
Monasterium.net |
Charter:
Al comes Gorycie et Tyrolensis et ecclesiarum Aquliegensis Tridentine et Brixinensis aduocatus vniuersis amicis et fidelibus suis salutem et plenitudinem omnis boni Quia dilectum dominum et amicum nostrum venerabilem episcopum Frisingensem inuitauimus diligenter habentes neccessario sibi loqui vniuersitatem vestram requirimus et rogamus omni diligencia et effectu vt in nullo ipsum ledere presumatis sed sibi et omnibus secum venientibus exhibeatis omnem quam potestis reuerenciam et honorem tanquam illud nobis personaliter faceretis siquis vero secus faceret nobis reputaremus illatum Datum in Inticena anno domini MCCLXXIII XIII kal Maii