Charter Document - 04140296
| Charter Number: | 04140296 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1273 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Chvnradus dei gratia Frisingensis episcopus notum esse uolumus preseneium inspectoribus vniuersis quod eum Chvnradus dictus Krivcher tunc ciuis fori nostri in Waeidhouen quandam domum cum area sita in foro nostro Waeidhouen in loco qui dicitur Ciuitas noua iuxta portam que ducit uersus Amsteten quam domum idem Chvnradus iure quod dicitur purchrecht tenuit et possedit a nobis ad manus nostras libere resignauit nos ob merita et dilectionem venerabilis in Christo domini Al abbatis et dilectorum in Christo fratrum monasterii Admontensis eandem domum cum area iure predicti fori nostri quod dicitur purchrecht ipsi abbati et conuentui Admontensi perpetuo contulimus possidendam sub hac forma ut nullas idem abbas uel conuentus stevras uel censum aliquem de ipsa domu vel area nobis vel nostris successoribus inposterum persoluere teneantur hiis saltem exceptis que pro communi necessitate predicti fori nostri et pro reparatione poncium vel viarum et aliarum necessitatum ingruencium pro tempore necessaria fuerint vel etiam oportuna in quibus inquilinus eiusdem domus uel ipsi pro eo cum aliis ciuibus predicti fori nostri contribucionem debitam facient sicut decet et nos inquilinum ipsorum quem ibidem pro suo beneplacito instituerint in nostram recipiemus graciam specialem In cuius tradicionis nostre perhenne testimonium presens scriptum predictis abbati et conuentui tradidimus nostri sigilli munimine roboratum Datum apud Zirik anno domini MCCLXX tercio nonis Aprilis