Charter Document - 04140293
| Charter Number: | 04140293 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1270 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Petrus dei gratia ecclesie Pataviensis episcopus scire volumus presentium quoslibet inspectores quod cum in causa que inter nobilem dominam Offemiam de Potendorf et heredes eius ac Fridericum clericum ex vna parte et reverendum in Christo patrem Ch Frisingensem episcopum et magistrum Vlricum illustris regis Boemie prothonotarium ecclesie nostre canonicum ex altera super ecclesia in Herrantstain vertebatur dilecto in Christo fratri F abbati Gerstensi commiserimus vices nostras idemque abbas in causa eadem rite processerit et canonice ac diffinitivam sentenciam pro reverendo in Christo patre domino Frisingensi episcopo ac magistro Vlrico supradictis tulerit iuris ordine obseruato nos processum huiusmodi de prudentum virorum consilio et precipue venerabilis in Christo patris domini W Secoviensis episcopi tunc Pataviensis decani examinatum diligentius approbantes predictam sentenciam confirmauimus et tenore presentium confirmamus ad sepe dicti Frisingensis episcopi eiusdem ecclesie patroni presentacionem canonicam predicto magistro Vlrico ecclesiam in Herrantstain predictam iure ordinario conferendo et ipsum mittendo per dilectum in Christo Rudlibum in Spangberch decanum in possessionem illius tanquam pastorem legittimum corporalem In cuius rei testimonium presentes litteras sigillo nostro ipsi magistro Vlrico dedimus communitas presentibus testibus domino W venerabili episcopo Sekoviensi tunc Pataviensi decano domino Ditrico decano Medlicensi Alberto scriba nostro Hainrico scriba de Wienna Wernhardo notario Chunrado plebano de Grillenperg Ottone Hainrico Chunrado laycis et aliis fide dignis Datum in Wienna anno domini MCCLXXVII kalendas Novembris