Charter Document - 04140292
| Charter Number: | 04140292 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Lay |
| Charter Type(s): | Promise |
| Date: | 1270 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Gerlochus et Fridericus fratres de Hertenberch presentibus profitemur et scire volumus vniuersos presencium noticiam habituros quod nos pro alapa quam Vlricus dictus Schrabaz famulus noster in foro Lok dedit homini ecclesie Frisingensis ad manus magistri Heinrici scribe Karinthie Carniole et Marchie fide data promisimus exhibere satisfactionem debitam et condignam et vt hoc promissum finaliter compleamus operis per effectum et ne etiam deinceps occasione huiusmodi excessus vniuersis hominibus vel alicui hominum dicte ecclesie per nos vel per nostros homines dampnum sev grauamen aliquod inferatur ecce vniuersa bona que G pater noster pie memorie domino Ch quondam episcopo Frisingensi propter quosdam excessus quos contra eum fecerat libere resignarat et ab ipsius manibus in feodum recepisse dinoscitur denuo pro emenda auctoritate presencium taliter obligamus videlicet vt si prout superius expressimus per nos uel per nostros dampnum aliquod inferatur hominibus ecclesie supradicte eadem feoda ipso facto vacancia ad manus prelibati domini episcopi uel suorum successorum sint libere deuoluta In huius rei perenne memoriam presentes conscribi fecimus et nostri sigilli munimine roborari testibus presentibus subnotatis videlicet domino Ortolfo de Priseke Griffone de Reutenberch Vlrico et Chvnrado de Waldenberch militibus Lienhardo et Georio de Gvtenberch Minhardo de Hohenowe Wilhalmo Engelberto et Hiltprando notariis et aliis quam pluribus fide dignis Datum in Lok anno domini MCCLXX proximo die Dominico post festum beati Jacobi apostoli