Charter Document - 04140290
| Charter Number: | 04140290 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1270 |
| Date type: | Assigned |
| Resource Link(s): |
Monasterium.net |
Charter:
Otakarus dei gracia rex Bohemie dux Austrie Styrie et Karinthie marchio Morauie dominus Carniole et Marchie Sidelino scribe per Austriam graciam suam et omne bonum Cvm dilectus amicus noster dominus Ch venerabilis episcopus Frisingensis castrum in Randekke cum possessionibus attinentibus eidem obtinuerit per sentenciam coram abbate Medlicensi sibi super hoc negocio auditore specialiter deputato volumus et mandamus tibi firmiter et districte quatenus prefatum episcopum vel procuratorem ipsius in ipsius castri et possessionum earundem auctoritate nostra inducas in corporalem possessionem ipsumque inductum contra omnes rebelles et contradictores tuearis et defendas Datum Prvnne III idus Julii