Charter Document - 04140289
| Charter Number: | 04140289 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1270 |
| Date type: | Internal, A.D., Feast |
| Resource Link(s): |
Monasterium.net |
Charter:
Viro discreto et amico speciali S serenissimi domini regis Boemie scribe per Austriam Or miseracione diuina abbas monasterii Medlicensis sinceram in domino voluntatem Noueritis quod cum nos ex mandato domini nostri serenissimi regis Boemie presideremus ad cognoscendum in causa que uertitur inter dominum Ch venerabilem episcopum Frisingensem ex una parte et dominam Al viduam quondam Eng de Rinsberch ex altera super castro in Randekke et possessionibus attinentibus eidem prefata vidua coram nobis die sibi prefixo nolente comparere predictus episcopus Frisingensis per sentenciam obtinuit coram nobis ex relacione et testimonio de vicinia meliorum quod predictum castrum in Randekke et possessiones attinentes eidem cum omnibus aliis feodis que dictus Eng tenuit ab ecclesia Frisingensi sunt ad eandem Frisingensem ecclesiam deuolute Vnde cum prefatus dominus rex nobis dederit suis litteris in mandatis ut eandem sentenciam uobis destinaremus nostris scriptis presentem paginam uobis duximus destinandam cum vniuersis nominibus testium qui super huiusmodi negotio iurati et uice sacramenti testimonium perhibuerunt coram nobis Testes autem sunt hii Marquardus de Zinzendorf Al de Schorvnberch Otto de Pein Otto de Chornpach Marquardus dictus Prevhafen Purchardus de Wasen Vlricus de Lushennich Otto de Vihdorf Hermannus de Herbotendorf milites item Heinricus de Svmberowe H de Schonenliten Otto de Pein Otto de Zinzendorf Ekk de Vihdorf Otto de Yeheniz Otto dictus Hesib Rugerus de Lohe Ivbart de Perwinstorf Heinricus de Luhsenich Dietricus de Prant Levpoldus dictus Verel Eberlo de Wintsperch et alii quamplures de vicinia fide digni Datum et actum aput ecclesiam in Ybs anno domini MCCLXX proxima tercia feria ante festum beate Margarete