Charter Document - 04140286
| Charter Number: | 04140286 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1270 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ottacharus dei gracia rex Bohemie dux Austrie Karinthie et Styrie machio Morauie dominus Carniole et Marchie vniuersis iudicibus prouincialibus et aliis iudicibus et officialibus per Styriam constitutis graciam suam et omne bonum Cvm reuerendus in Christo pater dominus Chvnradus venerabilis Frisingensis episcopus amicus noster karissimus hanc graciam et libertatem habuerit ab antiquo et etiam eandem iam de nouo optinuerit et renouari pecierit coram nobis quod nullus prouincialis iudex siue iudex alius quicunque in bona possessiones et homines ipsius domini episcopi iudicium aliquod debeat exercere sed ab ipso domino episcopo et suis officialibus id est primitus repetendum vobis vniuersis et singulis mandamus firmiter precipientes nostre gracie sub optentu quatenus nullus vestrum de bonis possessionibus et hominibus dicti episcopi iudicium aliquod sibi debeat assumere vel vendicare nisi forte a dicto episcopo et suis officialibus querelantibus foret iusticia denegata tunc primo si probatum fuerit licebit nobis vestrum iudicium exercere cauendo arcius ne quicquam per vos contra prefatum episcopum et suos indebite attemptetur In cuius rei testimonium prelibato episcopo et suis presentes damus nostri sigilli munimine roboratas Datum Wienne anno domini MCCLXXIII nonas Februarii