Charter Document - 04140285
| Charter Number: | 04140285 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Royal |
| Charter Type(s): | Revocation |
| Date: | 1270 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Ottakarus dei gracia Bohemie rex dux Austrie Styrie et Karinthie marchio Morauie dominus Carniole et Marchie vniuersis notum facimus tam presentibus quam futuris quod reuerendus in Christo pater et dominus Chvnradus venerabilis Frisingensis ecclesie episcopus vniuersa feoda que sibi et ecclesie Frisingensi vacare ceperunt per mortem domini Vlrici karissimi anunculi nostri bone memorie quondam illustris ducis Karinthie et domini Carniole et Marchie nobis et heredibus nostris in perpetuum feodali tytulo contulit possidendam consideracione prouida considerans et attendens defensionis et commoditatis fructum que a nobis vel nostris heredibus sibi et ecclesie Frisingensi in futurum poterunt peruenire Nos vero versa vice vniuersa iura et libertates ecclesie Frisingensis in aliis et hiis prediis ad ipsam ecclesiam pertinentibus eidem domino episcopo et suis successoribus integraliter promisimus obseruare In cuius rei testimonium et ad perpetuam memoriam prefato domino episcopo et suis successoribus dedimus presentem paginam nostrorum sigiliorum munimine roboratam testibus qui aderant subnotatis qui sunt venerabiles in Christo patres et domini Perhtoldus Babenbergensis Petrus Patauiensis Theodricus Gurzensis Bruno Olomuncensis ecclesiarum episcopi Menhardus et Albertus fratres comites Guricie et Tyrolenses Fridericus comes de Ortenburch Vlricus comes de Sternberch Pernhardus et Hainricus comites de Phannenberch Otto comes de Orlamunde Gvntherus comes de Swarzenburch Heinricus comes de Hardeke de Bohemia Zmilo de Prumowe Vlricus de Noua domo Babarus de Straconiz Vlricus de Turrenholz Burchardus de Chlingenberch marscalcus Bobemie de Morauia Hartliebus camerarius Bznata dapifer de Austria Otto camerarius de Perchtolfstorf Otto de Hazlaw Fridericus de Lengenpach Heinricus de Hawenvelt Rapoto de Valchenberch Radolfus de Wechingen de Styria Vlricus de Leihtenstain et Otto filius suus de Karinthia Wilhelmus de Chrech Cyzlo pincerna Karinthie Otto de Vochenmach et alii quamplures fide digni Actum et datum Wienne anno domini millesimo CCLXXIIII nonas Februarii