Charter Document - 04140272
| Charter Number: | 04140272 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1267 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ego Fridericus dictus de Husekke presentibus profiteor et pro testor et scire cupio vniuersos presencium noticiam habituros quod pro emendacione et satisfactione grauaminum illatorum per me ecclesie Frisingensi venerabili patri et domino Chunrado quondam ipsius ecclesie episcopo de predio et proprietate mea in villa Leubmanstorf ad vi librarum redditus resignaui et earundem vi librarum redditus recepi in feodum ac ipso episcopo sub hac forma videlicet quod trium librarum redditus idem dominus episcopus vel successor suus debet conferre in feodum heredibus meis vtriusque sexus aut vxori mee aut alii amico meo pro quocunque porrexero preces meas aliarum vero trium librarum redditus simpliciter mihi et heredibus meis masculis recepi in feodum a dicto episcopo Frisingensi feodi nomine possidendas sie vt si vmquam decetero eadem Frisingensis ecclesia per me vel heredes meos fuerit indebite aggrauata et si non post ammonicionem fuerit emendatum tunc ipse dominus episcopus tanquam dominus feodi vel quicunque pro tempore episcopus Frisingensis habebit liberam potestatem de dictis trium librarum redditibus quemeumque voluerit infeodare Que omnia supradicta promitto fide data et volo ea per me et heredes meos inuiolabiliter obseruare In cuius rei euidenciam presentes volui mei sigilli munimine roborari et dicte Frisingensi ecclesie omnia recognoscere presentibus et renouare Datum Husekke anno domini MCCLXVII pridie nonas Junii