Charter Document - 04140269

Nos Chvnradus dei gracia Frisingensis episcopus notum fieri cupimus vniuersis presencium notidam habituris quod cum inter nos ex vna parte et Rudolfum et Fridericum fratres dictos de Plintenpach super destructione castri in Prunsdorf quod castrum iidem fratres construxerant in preiudicium ecclesie Frisingensis questio verteretur dicti fratres ad hoc vt prefatum castrum in suo statu remaneret indissolutum ipsum in potestatem nostram tradiderunt tamdiu possidendum et tenendum a nobis quousque suis precibus aput amicum nostrum illustrem ducem Karinthie optinuerunt quod dictus dux ius feodale quod habuit a nobis in ipso castro resignauit ad manus nostras libere et absolute Quo facto obligarunt se et sua feoda que tenent a nobis et proprietates quos habent vterque eorum pro se heredibusque suis sigillatim quod decetero de ipso castro nullum dampnum occasione ipsorum in possessionibus mancipiis rebus mobilibus uel inmobilibus aut sese mouentibus pacietur ecclesia Frisingensis et si aliquot dampnum dicti fratres aut alter ipsorum heredesve sui per se uel per suos nobis uel successoribus nostris irrogarint nec ipsum dampnum infra quatuor septimanas a die commissi delicti monicione premissa coram iudice aut officiale nostro curauerint emendare prefatum castrum siue ambo fratres deliquerint siue alter ipsorum sine contradictione qualibet destruetur et proprietates quas habent et vniuersa feoda que tenent a nobis delinquentes vacabunt ecclesie Frisingensi et nos ex tunc aut successores nostri conferendi ea habebimus liberam potestatem Fideiussores insuper inferius subnotati in eundem eventum persoluent nobis aut ecclesie Frisingensi pro ipsis ducentas marcas Lantstrostensium nomine pene si ambo deliquerint vel si alter ipsorum tantum c quilibet ex subscriptis fideiussoribus pro x marcis pro quolibet fratrum specialiter obligatus ita quod delictum vnius fratris in dampnum alterius preterquam in destructione castri nullatenus redundabit Ad hec pascua arboresque castaneorum de quibus inter nos et dictos fratres questio vertebatur tenebimus nos et homines nostri libere et absolute de terminis et finibus agrorum de quibus nobiscum contendebant arbitrio et discussioni meliorum et seniorum [] iudicium relinquentes Hiis peractis omnibus constituimus [eos eorumque heredes in eodem castro] tanquam purchcrauios nostros nec destituemus eos nisi in aliquod premissorum inciderint et emandare recusauerint iuxta formam superius annotatam Fideiussores autem sunt hi Wernhervs officialis et Chvnradus fratres milites de Lok Nycolaus et Grifo milites de Riutenberch Vlricus et Wintherus de Werde Reimbertus de Goker Leonhardus officialis de Chlingenvels Vzoldus iudex de Gvtenwerde Heinricus de Zemast Acta sunt hec in villa Peiersdorf anno domini MCCLX septimo presentibus testibus subnotatis videlicet dilecto in Christo fratre nostro Morhardo venerabili Werdensi preposito magistro Heinrico canonico ecclesie nostre Vlrico capellano magistro Hermanno sancti Andree canonico et Chvnrado notario domino Ditrico Stangone Gebhardo de Gvtenowe militibus Chvnrado Sappone Gvnthero marschalco Chvnrado de Geisewelt Heinrico et Sighardo fratribus de Rinding Friderico Mulhovario Chvnrado de Nonbach Sibotone de Rabenek Wlfingo et Reblino de Lok et aliis quam pluribus fide dignis Et in horum omnium testimonium presentes litteras sigillo nostro et aliorum qui interfuerunt iussimus consignari Datum nono kalendas Octobris