Charter Document - 04140254
| Charter Number: | 04140254 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1266 |
| Date type: | Internal, A.D. |
| Resource Link(s): |
Monasterium.net |
Charter:
E dei gracia Tridentinus episcopus notum fieri cupimus vniuersis presens scriptum intuentibus quod nos capituli nostri consensu accedente legittimo venerabilem in Christo fratrem dominum C Frisingensem episcopum recognoscimus in ecclesia de Cheler nostre dyocesis ius habere presentandi ipsiusque successores pro tempore substituendos adicientes quod post mortem aut cessionem domini Bonicontri canonici nostre ecclesie nec non dicte plebis in Cheler legittimi pastoris quem Bonicontrum idem venerabilis episcopus Frisingensis ad instanciam et peticionem nostram et capituli nostri legittimum plebanum ipsius ecclesie in Cheler recognouit nullus in eadem ecclesia institui debeat de cetero per nos aut nostros successores uerus pastor nisi ad ipsius episcopi Frisingensis uel sui successoris presentacionem quod si secus factum fuerit id viribus carere decernimus per presentes Et vt premissa illibata permaneant nos presentem paginam venerabili episcopo Frisingensi suisque successoribus tradimus nostri et capituli Tridentini sigillorum munimine roboratam Datum anno domini MCCLXVI indictione nona