Charter Document - 04140248
| Charter Number: | 04140248 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1265 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Vlricus dei gracia dux Karinthie dominus Carniole et Marchie presentibus profitemur et scire cupimus vniuersos presens scriptum intuentes quod ob reuerenciam beate Marie virginis et ob dileccionem dilecti amici nostri Chvnradi venerabilis Frisingensis episcopi vniuersos homines iure proprietatis nos attinentes constitutos in coloniis et [pre]diis ecclesie Frisingensis in Marchia per hofmarchiam eiusdem domini episcopi liberaliter donauimus et tradidimus ecclesie Frisingensi cum eorum posteris nichil nobis iuris in ipsis penitus reseruantes exceptis tantum hiis qui in foris sev ciuitatibus ipsius domini episcopi habent residenciam et morantur de quibus communiter est statutum vt si qua seruicia a nostris in suis ciuitatibus constitutis recipiamus similia seruicia ipse dominus episcopus a suis hominibus recipiat in nostris foris et ciuitatibus constitutis In huius itaque nostre donacionis euidenciam presens scriptum prefato domino C episcopo tradidimus nostri sigilli munimine roboratum Datum Lok anno domini MCCLXV XII kal Octobris