Charter Document - 04140240
| Charter Number: | 04140240 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1265 |
| Date type: | Internal, Calendar, Papal |
| Resource Link(s): |
Monasterium.net |
Charter:
Clemens episcopus seruus seruorum dei Dilecto filio Mohardo canonico ecclesie Frisingensis salutem et apostolicam benedictionem Sua nobis Henricus rector ecclesie sancti Petri Salceburgensis diocesis peticione monstrauit quod cum ipse ad dictam ecclesiam tunc uacantem a venerabili fratre nostro [] episcopo Frisingensi uero patrono ipsius ecclesie fuisset venerabili fratri nostro [] archiepiscopo Salceburgensi loci diocesano canonice presentatus tandem quondam [] Lauendinensi electo asserente quod ad mensam suam ipsa ecclesia pertinebat et se sibi super hoc opponente idem archiepiscopus ipsum H ad eandem ecclesiam admittere denegauit Cum autem prefatus H ad [] archidiaconum Marchie et Carniole super hoc litteras apostolicas impetrasset et earum auctoritate super hoc coram ipso archidiacono electum conuenisset eundem dictus archidiaconus cognitis cause meritis et iuris ordine obseruato diffinitiuam pro eodem H sententiam promulgauit quam apostolico petiit munimine roborari Quocirca discrecioni tue per apostolica scripta mandamus quatinus sententiam ipsam sicut est iusta facias per censuram ecclesiasticam appellacione remota firmiter obseruari Datum Perusii XV kalend Aprilis pontificatus nostri anno primo