Charter Document - 04140237
| Charter Number: | 04140237 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1264 |
| Date type: | Internal, Calendar, Papal |
| Resource Link(s): |
Monasterium.net |
Charter:
Omnibus presentes litteras inspecturis Bartholomeus archidiaconus Amb domine pape capellanus et ipsius contradictarum auditor salutem in domino Noueritis quod cum magister Riccardus procurator [] abbatis et conuentus monasterii sancte Marie de Sitansteten pro ipsis impetraret litteras apostolicas sub hac forma eisdem litteris Waldinus de Bechona clericus procurator venerabilis patris episcopi Frisingensis pro ipso in audiencia publica contradixit quas tandem ea condicione absoluit quod super questione iuris patronatus que vertitur inter predictos abbatem et conuentum monasterii sancte Marie ex parte vna et predictum episcopum ex altera nullum eidem episcopo quoad ius patronatus siquid habet per predictas litteras preiudicium generetur quod pars altera promisit firmiter coram nobis In huius rei testimonium presentes litteras fieri fecimus et nostro sigillo muniri Datum aput Vrbemveterem XV kal Julii pontificatus domini Vrbani pape iiii anno tercio