Charter Document - 04140235

Dilecto in Christo patri et domino venerabili B abbati monasterii in Chremsemunster Ar dei gratia prepositus ecclesie sancti Floriani orationes deuotas in domino Jesu Christo Cum secundum litteras apostolicas uobis et nobis directas quarum tenorem sub bulla domini pape plenius conspexistis procedere debeamus in causa que uertitur inter venerabilem R abbatem et conuentum monasterii sancte Marie in Sytansteten ex una parte et Eberhardum de Waidhouen et Hainricum de Holenstein presbyteros ex altera et nos ad presens simus debilitate corporis et quibusdam ecclesie nostre negociis arduis prepediti discretionem uestram deuote rogamus quatinus ad prefatos presbyteros dignemini personaliter accedere monitis eos salutaribus inducentes ut ad cor et mandatum ecclesie humiliter reuertantur Quodsi uestris munitionibus acquiescere noluerint iniungimus uobis et mandamus auctoritate qua fungimur in hac parte quatinus dictos presbiteros Eberhardum et Hainricum ad nostram peremptorie citetis presentiam locum ad sanctum Florianum diem uero IX kalendas Octobris assignantes eisdem ut per se uel procuratores idoneos et ad causam sufficienter instructos compareant coram nobis Nos enim quoad monendum et citandum eosdem uobis per presentes litteras committimus uices nostras die uero assignato procedemus una uobiscum non obstante cuiuslibet absentia quantum de iure fuerit procedendum Datum apud sanctum Florianum anno domini MCCLX quarto II nonas Augusti