Charter Document - 04140218
| Charter Number: | 04140218 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1262 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Ottacherus dei gracia rex Bohemie dux Austrie Styrie et marchio Morauie notum facimus tam presentibus quam futuris quod cum reverendus in Christo pater et cognatus noster carissimus Ch episcopus Frisingensis ducentas libras Marchquardo Vlrico et Chunrado fratribus de Pilhdorf persoluerit aduocacia in Enzinstorf ab eorundem fratrum et aliorum omnium impeticione libera inperpetuum permanebit hoc excepto quod de eadem aduocacia xxx libras Viennensis vsualis monete ad cameram nostram annis singulis in festo Purificacionis beate Marie virginis debent dari ad quarum inquam xxx librarum receptionem loco et nomine nostro magistrum monete nostre Wienna qui tunc pro tempore fuerit deputamus et constituimus volentes quod nullus nostrorum iudicum aut aliorum officialium auctoritatem recipiendi habeat pecuniam memoratam In cuius nostre ordinacionis perennem memoriam prefato domino Frisingensi episcopo et eius successoribus presentem paginam tradidimus nostri pendentis sigilli munimine roboratam Datum aput Lipzich anno domini millesimo CCLXII XI kalend Octobris