Charter Document - 04140206
| Charter Number: | 04140206 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1260 |
| Date type: | Internal, A.D., Calendar |
| Resource Link(s): |
Monasterium.net |
Charter:
O dei gracia dominus regni Bohemie dux Austrie et Styrie et marchio Morauie omnibus hanc litteram inspecturis notum facimus quod nostra est promissio et mandatum vt vbicunque in possessionibus venerabilis patris domini Ch Frisingensis episcopi metallum auri vel argenti vel cuiuscunque metalli alterius generis inuentum fuerit vel etiam salis idem dominus episcopus gaudere debeat iure suo quemadmodum nos gaudere volumus iure nostro Quare sub optentu nostre gracie districte precipimus vniuersis quatenus memoratum dominum episcopum in suis iuribus nullatenus impedire debeatis sed conseruetis in omnibus illibata Concedimus etiam vt metallum queri debeat in suis possessionibus vbicunque Huic autem nostre concessioni interfuerunt testes subnotati videlicet dominus B Olmuncensis ecclesie episcopus Gerus Woko et Benesius Bohemi magister Arnoldus magister Vlricus tunc pro tempore nostri notarii Stizlo de Sternberch Otto de Missowe Ch de Zekingen Otto de Haselawe et alii quam plures Acta sunt hec aput Grez anno domini MCCLX X kalendis Januarii