Charter Document - 04140205
| Charter Number: | 04140205 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Royal |
| Charter Type(s): | Agreement |
| Date: | 1260 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Otakarus dei gracia dominus regni Bohemie dux Austrie et Styrie marchio Morauie per presens scriptum vniuersis notum facimus tam presentibus quam victuris quod ad ampliandum et corroborandum robur perennis amicicie inter consanguineum nostrum karissimum dominum Ch Frisingensem episcopum et nos inuiolabiliter contracte eidem domino Ch Frisingensi episcopo data fide vice sacramenti compromisimus quod toto vite nostre tempore contra omnem viuentem hominem fidele prestabimus adiutorium quandocumque possimus et iuuamen et ipse versa vice nobis per sue fidei dacionem compromisit prestare nobis consimile adiutorium et ad hec nos nichilominus ipsum dominum Ch Frisingensem episcopum et vniuersas ecclesie sue possessiones sitas in quibuscunque partibus ad quas nostra regalis potencia extentitur promittimus fideliter defensare In cuius itaque promissi et laudamenti euidens testimonium presentem cedulam sigillorum nostrorum munimine iussimus roborari Acta sunt hec Wienne anno domini MCCLXVIII kalendas Augusti