Charter Document - 04140195
| Charter Number: | 04140195 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1258 |
| Date type: | Internal, A.D. |
| Resource Link(s): |
Monasterium.net |
Charter:
Sanctissimo in Christo et domino A sancte Romane ecclesie summo pontifici [] prior de Zabrawiz Vlmocensis diocesis ordinis Premonstratensium et frater Gotfridus sacerdos hospitalis sancte Marie Jerusalem officiales domini episcopi Vlmocensis subdelegati venerabilium episcoporum [] Pragensis et Vlmocensis a sede apostolica delegatorum cum filiali obediencia deuota pedum oscula beatorum Sanctitati uestre presentibus dignum duximus intimare quod cum magister Vlricus canonicus sancti Andree de Frisinga super ecclesia in Brobstorf Patauiensis diocesis honorabilem uirum Wisentonem decanum Wiennensem coram nobis traxisset in causam magister Vl de Hartkirchen procurator dicti Wesentonis quasdam exceptiones declinatorias iudicii proponere curauit asserens dominum Wesentonem a me grauari indebite causas subscriptas allegans quas de uerbo ad uerbum feci presentibus subnotari quas per modum appellacionis cum easdem per modum ex cepcionis admittere nollemus proponebat hoc modo A uobis domine frater Gotfride qui uos geritis iudicem delegatum a venerabili domino Vl Salzburgensi archiepiscopo in causa quam mihi mouet magister Vl sancti Andree de Frisinga canonicus primo quod me citastis et in personam meam non [se] extendat iurisdicio uestra nec in casu qui hic reperitur et ad locum minus tutum preterea cum istud negocium translatum sit ad superiorem scilicet ad dominum papam et uos tanquam inferior intromittere non potueritis et etiam cum sim ab aliis iudicibus uocatus super hiis grauaminibus per magistrum Vlricum presentium exhibitorem meum in hac parte procuratorem sedem apostolicam appello et apostolos cum omni instancia peto et iterum peto et iterum peto personam meam cum omnibus iuribus ecclesie mee in Brobstorf defensioni apostolice subiciendo Quanqam autem excepcionibus istis sufficienter respondere possemus et appellationem non admittere sicut aduocatus actoris sufficienter declarabat honestati tamen dicti Wisentonis et uestre sanctitati deferentes appellacionem admisimus assignantes eidem Wisentoni trium mensium spacium ad appellacionem suam prosequendam ut infra terminum eundem a recepeione presencium se debeat nostro conspectui presentare Datum Brunne anno domini MCCLVIII V idus Nouembris