Charter Document - 04140184

Otakarus dei gracia dominus regni Bohemie dux Austrie et marchio Morauie omnibus Christi fidelibus imperpetuum Dignum est et racioni consentaneum ut amicorum nostrorum honesta peticio a nobis debeat in omnibus exaudiri et ipsorum quam circa nos gerunt sinceritas amplecti plus ceteris et foueri Hinc est quod dilecti domini et amici nostri Chunradi venerabilis Frisingensis episcopi peticionibus annuentes ius et prerogatiuam quam predecessores nostri principes Austrie domui sue quam habet in Wienna noscuntur contulisse tenore presencium innouantes confirmamus videlicet vt rector et hospes dicte domus ac ceteri ipsam domum inhabitantes nec non et omnes in dote capelle ipsius domus commorantes non nisi pro excessibus qui mortem vel pacis violacionem inducere videntur a iudice ciuitatis ad iudicium debeant euocari et tunc si eulpe qualitas id exposcit de deli[n]quentis persona iudex ciuitatis se tantum intromittat rebus et possessionibus rei saluis existentibus que in ipsius episcopi vel eius quem ad hoc instituerit transeat potestatem Si autem contra memorate domus vel capelle homines questionem quisquam mouere voluerit coram prelibato episcopo uel eius in hac parte vicario eos conueniat ab eo siquid iuris habuerit plenar[i]e recepturus Ipsis hominibus de sibi iniuriantibus a iudice ciuitatis iustitiam volumus exhiberi prout dictauerit ordo iuris Datum Wienne anno domini MCCLVI V idus Junii XIII indictione