Charter Document - 04140183
| Charter Number: | 04140183 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1256 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Heinricus pincerna de Habespach et Otto de Meissawe iudices prouinciales Austrie tenore presencium notum facimus tam presentibus quam futuris quod dum coram nobis aput Ybsam pro tribunali sedentibus venerabilis pater dominus Chunradus Frisingensis episcopus pro lx libris oc[c]asione dampnorum que sibi et suis intulerat Ottacherum de Neideke impeteret sic a nobis omnium astancium consilio et assensu accedente fuit sentencialiter diffinitum videlicet ex quo valor dietorum dampnorum quondam fuisset contra eundem Ot legittimo comprobatus et ex quo idem contumaciter a iudicio nostro recedens dum ad illud euocaretur non responderet domino episcopo memorato quod prefatas lx libras persolueret sub pena dupli hoc est dicere quod pro lx libris daret cxx libras Lata tali sentencia hoc a nobis iusta mediante sentencia fuit appositum et adiunctum quod antedictus O pro memoratis cxx libris in quibus esset sentencialiter condempnatus fideiussores ydoneos obligaret eidem domino episcopo in hunc modum videlicet si quilibet illorum secundum deputatam sibi summam ad cuius persolucionem se obligaret id non persolueret quod ante festum beati Michahelis idem semper pro x libris tantum pro suis propriis possessionibus ad manus ipsius domini episcopi vel illius quem ad hoc duxerit eligendum absolute et libere assignaret de quo possent haberi redditus vnius talenti annis singulis pro pecunia memorata si vero iidem fideiussores in premissis omnibus circa tempus prefinitum inuenti fuerint negligentes quilibet pro summa sue fideiussionis aput illum locum pro ut infra subdistinguitur obstagium se intrare sub prestacione fidei ad manus sepe dicti domini episcopi compromisit ab illo loco nunquam recessurus donec laudamentum sue promissionis totaliter adimpleret Fideiussorum autem nomina sunt hec ego H pincerna de Habespaeh pro xx libris et dominus Albertus de Zelking pro xv libris obstagium intrabimus aput Wiennam item dominus Ludwicus Zcelching pro xv libris item Engelschalcus de Reinsperch pro xx libris item dominus Wigandus dictus Eisenpeutel pro x libris item dominus Otto de Plankenstain pro x libris item dominus Heinricus de Hauseke pro x libris et ipse Otacherus de Neideke pro x libris intrabunt obstagium aput Ybsam item dominus Otto de Maienberch pro x libris intrabit obstagium aput sanctum Ypolitum Insuper ab omnibus prenotatis fideiussoribus fuit et hoc compromissum vt quecunque bona proprietatis pro eodem O assignaret non solum per manus et litteras suorum dominorum deberent eidem domino episcopo confirmare immo etiam defendere ab omnibus qui ipsum episcopum pro eisdem bonis impeterent aut infestarent Valor etiam illarum rerum que debent assignari pro redditibus vnius talenti debet esse talis videlicet quod modius tritici talentum modius siliginis vi solidos modius ordei iii solidos et modius avene lx denarios valere deberet Vt autem omnia premissa firma hinc et inde permaneant in huius rei testimonium presentem paginam nostrorum sigillorum munimine iussimus roborari Acta sunt hec apud Ybsam in cimiterio anno domini MCCLVI indictione XIIII IIII kal Augusti