Charter Document - 04140182
| Charter Number: | 04140182 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1256 |
| Date type: | Internal, Papal |
| Resource Link(s): |
Monasterium.net |
Charter:
Alexander episcopus [seruus seruorum dei] Venerabili fratri[] episcopo Frisingensi salutem et apostolicam benedictionem Sua nobis venerabilis frater noster [] Tridentinus episcopus conquestione monstrauit quod Ezelinus dei et ecclesie inimicus ipsum et ciuitatem Tridentinam continuis incursibus non desinit inpugnare Cum igitur in dyocesi Brixinensi quasdam possessiones et redditus habere dicaris et ad subueniendum super hoc eidem episcopo tanto propensius te ac alios prelatos intendere deceat quanto idem perfidus fidem katholicam et libertatem ecclesiasticam instancius persequi non desistit fraternitatem tuam rogamus monemus et hortamur attente et per apostolica scripta tibi mandantes quatinus attendens prouide quod tua res agitur paries cum proximus ardet eidem episcopo contra prefatum perfidum pro nostra et apostolice sedis reuerencia quociens ab ipso super hoc requisitus fueris inpendas fauorem consilium et auxilium oportuna non permittens aliquos sue iurisdictioni subditos seu alios quoscunque in subsidium eiusdem Ezelini uolentes accurrere per tuum transire districtum eis obstacula potenter et uiriliter opponendo preces nostras et mandatum in hac parte taliter impleturus quod idem episcopus eas per effectum operis sibi senciat profuisse nosque proinde tue deuocionis promptitudinem merito conmendemus Datum Laterani V idus Februarii pontificatus nostri anno secundo