Charter Document - 04140181
| Charter Number: | 04140181 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1256 |
| Date type: | Assigned |
| Resource Link(s): |
Monasterium.net |
Charter:
O dei gratia Medelicensis ecclesie abbas domini pape iudex delegatus et M prior eiusdem ecclesie subdelegatus venerabilis prepositi ecclesie Nevnburgensis Wisintoni presbitero de Wienna salutem et sinceram in domino caritatem Ad memoriam uestre prudencie reuocamus qualiter nostras peremptorie citacionis liiteras quibus papale rescriptum intersertum fuerat recepistis et quomodo de consensu uestro et VI procuratoris reuerendi patris et domini Frisingensis episcopi dicte citationis terminus per nos extitit prorogatus videlicet vt si causa iuris patronatus ecclesie in Probstdorf inter reuerendum patrem et dominum Patauiensem et predictum Frisingensem episcopos non posset amicabiliter terminari infra xiiij dies post recepcionem litterarum nostrarum dicto episcopo Frisingensi uel eius procuratori renunciatis omnibus induciis tam de facto quam de iure uobis competentibus responderetis coram nobis finaliter de obiectis Cum igitur huius modi causa per amicabilem compositionem sedari non valeat vos ad nostram legitime presenciam vocamus apud Wiennam proxima feria sexta ante festum beati Johannis baptiste proximo futurum locum et terminum peremptorium vobis statuentes ad respondendum prefato episcopo uel procuratori [eius] nec non aliis personis ad quos prefata causa pertinere dinoscitur de vniuersis que nobis Verum si dictum terminum atque locum propter commoditatem parcium et nostram seu alium casum uariare contingerit volumus et mandamus vobis ut similiter pro ut superius est expressum ad locum et terminum quem uobis per alias litteras mostras prefigere decreuerimus veniatis Datum VI idus Junii