Charter Document - 04140173

O dei gracia dominus regni Bohemie dvx Austrie et Styrie et marchio Morauie pariter et domina Margareta vxor sua dilectis eorum fidelibus Alkero de Revtenberch Heinrico et fratri suo de Werd Rudolfo de Nazzenvelt Vlrico Gotfrido Marquardo et Wlfingo de Preseke Gerhardo iudici et fratri suo de Gutenwerde et illis singulis et vniuersis qui sunt de duabus parentelis quorum quidam dicuntur Chauzer et quidam alii qui sunt de Preitenawe ceterisque vniuersis quibuscunque vocentur nominibus aut in quocunque locoram habitent et morentur qui fuerint de familia et de domo quondam nobilis comitis Albrehti de Weihselberch et nobilis viri dicti Preis eorum gracie plenitudinem cum salute Decens est pariter et honestum quod debeamus singulorum obsequia prouisionis oculis intueri et illorum comodo et vtilitati facilius intendere qui pro honore nostro ampliando onera nobiscum grauia et labores continuos sustinent et qui propter quietem et commodum pacisque bonum terris nostris obtinendum passi sunt rerum suarum graue dampnum pariter et iacturam Tunc enim honor noster profectiua suscipit incrementa et fauore multiplici decoratur [cum] illos diligimus qui semper circa nos et terras nostras in sincere fidelitatis opere perstiterunt ex quibus vnum de principalioribus esse venerabilem patrem et amicum nostrum dominum Ch Frisingensem episcopum non ambigimus qui etiam cum rerum suarum amissione in nostris seruiciis cum omni deuocionis constancia et fidei puritate semper perstitit opere lucescente Presentis igitur scripti serie notum vobis facimus tam singulis quam vniuersis quod de communi consensu et de nostra vnamini voluntate ad instanciam et ob amorem dicti domini Frisingensis et precipue ob reuerenciam et honorem sancte dei genitricis virginis Marie que in Frisingensi ecclesia esse dinoscitur domina propicia et patrona vos cum vestris heredibus qui quondam nobilis comitis Albrehti de Weiselberch et nobilis viri dicti Preis fueratis qui nunc vero ad nos estis iure hereditario deuoluti siue sitis militares sev populares aut cuiuscunque sexus vel condicionis fueritis cum omni iuris et dominii plenitudine que in vos et vestros heredes habere dinoscimur memorate Frisingensi ecclesie donauimus libere imperpetuum possidendos et hoc facimus in recompensacionem dampnorum que per cedem incendium et rapinam prelibatum dominum Frisingensem episcopum in suis prediis et hominibus propter nos a rege Vngarorum recognoscimus recepisse Quapropter rogantes volumus et mandamus vt deinceps prefato domino Ch venerabili Frisingensi episcopo et vniuersis eius successoribus cuncta exhibeatis sincere fidelitatis seruicia cum summa et debita reuereneia et honore discrecionis oculis salubriter intuentes quod statum vestrum non in peius sed in melius commutauimus et quod vestram condicionem aput omnes et per omnia et in omnibus fecimus meliorem Datum Wienne anno domini MCCLIIII indictione XII pridie kal Aprilis