Charter Document - 04140162
| Charter Number: | 04140162 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1252 |
| Date type: | Internal, A.D., Calendar |
| Resource Link(s): |
Monasterium.net |
Charter:
Magne discretionis ac prudentie viro venerabili [] preposito in Oberndorf P decanus et R quondam prepositus Secowensis ecclesie salutem in omnium saluatore Noueritis nos litteras venerabilis patris et domini nostri Vlrici Secowensis episcopi in hunc modum recepisse Sane cum mandatum nobis traditum teneamur pro viribus adimplere partibus supradictis legitime citatis et termino peremptorio aput Judenburc prefixo nobis pro tribunali sedentibus venerabilis episcopus Frisingensis per legitimum procuratorem comparuit qui inquam procurator coram nobis legitimis monstrauit documentis dictum ducem peremptorie fuisse citatum et citationis litteras recepisse prefatus vero dux nec per se nec per procuratorem comparuit aliqualem Quapropter quamquam contra dictum ducem tamquam contra contumacem et rebellem procedere potuissemus de rigore iuris sue tamen nobilitati et magnitudini deferentes excommunicationis et interdicti sententias in personam ipsius ducis et in terras suas ad quindecim dies post peremptorium terminum elapsum ferre distulimus ad ipsius ducis contumatiam emendandam Cum igitur ipse dvx iam dictis xv diebus expectatus nec per se nec per defensorem compareret et dicti episcopi procurator instanter peteret vt contra sepe dictum ducem secundum iuris ordinem procederemus nos habito consilio dicti domini nostri episcopi Secowensis et aliorum virorum discretorum nobilem virvm Bernhardum illustrem ducem Karinthie seniorem excommunicamus et ciuitates ipsius videlieet ad sanctura Vitum Volkenmarcte Klagenfort Landestrost cum castris earundem ciuitatum ecclesiastico subponimus interdicto subtrahentes in ipsis ciuitatibus et castris omni[moda] ecclesiastica sacramenta preter penitentias morientium et baptismata paruulorum Insuper omnia loca et parrochias in quibus ipse dux presentialiter fuerit simili modo sub interdicto ponimus quamdiv dictus dux moram fecerit in eisdem Vnde auctoritate qua fungimur vobis mandamus sub pena officii et beneficii vestri firmiter precipientes quatenus dictas excommunicationis et interdicti sententias per nos latas in personam memorati ducis et ciuitates suas antedictas cum castris per totam Karinthiam sollempniter publicetis publicando etiam quod in quacumque parrochia idem dvx personaliter fuerit vt in eadem tota parrochia medio tempore non fiant diuina et alia sacramenta ecclesiastica preter penitentias sicut premissum est morientium et baptismata paruulorum Que inquam sacramenta ecclesiastica dictis ciuitatibus cum castris per nos esse subtracta legitime nvntietis et hoc vobis sub dicta pena officii et beneficii vestri districte precipimus et mandamus Datum apud Jvdenburc anno domini millesimo ducentesimo quinquagesimo secundo XVII kal Septembris decime indictionis